Faith's POV
"TEKA, TEKA. ANO 'TO?!" gulat kong tanong nang pumasok kaming dalawa ni Rupert sa Paradise Salon. Walang anu-ano ay itinulak niya ako sa isang beki na mukhang pinaka-head ng sosyaling salon na iyon.
"Sir! Ngayon lang namin kayo ulit nakita dito ah. Gumagwapo ka yata," malanding sabi ng beking nasa harap namin. "Sino siya? P.A. mo?" anito sabay turo sa 'kin.
Oo, inggit ka?
"Thanks, Lerry. Uhm yes, sort of. So, ikaw nang bahala sa kanya," utos naman ni Rupert bago niya 'ko muling itinulak palapit lalo sa baklang parloristang nasa harap ko. "Make her sophisticated and elegant-looking. Pakibilisan lang. We're in a hurry."
"One hour lang 'to, Sir," nakangisi namang saad ni Lerry na hinila na 'ko at pinaupo sa harap ng malaking salamin.
Owkey. Hindi man lang ba nila ako tatangu
