Faith's POV
"NANONOOD KA PA RIN NIYAN?!"
Hindi ko pinansin ang magaling kong amo nang bungaran niya 'ko ng amusing question, isang gabi pagkatapos naming mag-dinner at mahugasan ko ang mga plato. Nasa living room ako at nakababad na naman sa harap ng TV kakanood ng Cartoon Network. Umakyat na siya kanina kaya akala ko hindi na siya bababa pa.
Naupo siya sa tabi ko. Hindi naman ako natinag sa panonood.
Magmula nang sabihin niyang amoy-albatros ang buhok ko noong may sakit siya ay nainis na naman ako nang husto sa pamintang 'to. Hoy, sino siya para husgahan ang buhok ko? Dhove kaya ang shampoo ko at CreemSlik pa ang conditioner ko!
"Hand me the remote."
Ang letseng 'to, ini-English na naman ako. 'Sakit sa ilong eh. Gusto ko sana siyang sagutin ng: "Don't you English-English me because
