Halos pigil ko na ang aking hininga habang hawak ang serradura ng pinto. Isang marahas na buntong hininga ang pinakawalan ko bago ako nagdesisyon na pihitin ito at tuluyang pumasok sa loob ng silid naming mag-asawa.
Madilim na silid ang sumalubong sa aking paningin, at tanging ang matamlay na liwanag ng buwan ang nagsisilibing ilaw ng buong silid.
Nakabibinging katahimikan ang nangingibabaw habang inililibot ko ang aking mga mata hanggang sa napako ang tingin ko sa likod ng aking asawa. Kasalukuyan siyang nakatayo sa pintuan ng beranda, nakapamewang ito at abalâ sa pakikipag-usap mula sa cellphone na nasa tapat ng kanyang tenga.
Ang malakas na kabôg ng dibdib ko ay tila sumasabay sa tunog ng mga kulisap na maririnig mula sa labas. Habang sa magkabilang gilid ng aking asawa ay inilili
