"Sahara!"
Mabilis na yumakap si Stella sa anak niya nang dumating ito sa bahay. Naputol ang pag-uusap nilang mag-ama tungkol kay Bernard at Matteo. Hindi niya alam kung paano haharap sa anak ngayong alam na nito ang ginawa niyang kasalanan sa mga Buencamino.
"Ano'ng nangyari? Nasaktan ka ba? Nahuli ba ang mga salarin?" sunod sunod na tanong ni Stella sa anak.
"I'm okay, Mommy. Pero nakatakas sila dahil wala namang plate number ang kotse at kaagad nawala sa paningin namin."
"Sino ang mga 'yun? Bakit ka nila pagtatangkaan ng masama?"
Walang maisagot si Sahara sa Mommy nito na marahil ay hinihintay na magsalita siya. Sa halip ay tumingin lang siya sa kawalan.
"Magpapahinga muna ako sa silid ko, Mommy," paalam ni Sahara. Naiwan sila ni Stellla sa living room.
"Kilala mo
