Chapter 26
Nang makapagligpit na si Gallan ay nagpaalam siya dito na lalabas upang puntahan ang kaniyang ama. Kinuha sa kaniya ni Gallan ang pusa ay dahan-dahan nitong ibinaba sa upuan upang doon matulog.
Lumabas si Evan at hinanap niya ang kaniyang ama. Nakita niya ito na kasama si Tatang Ber at umiinom ng kape. Wala si Alastor pati na si Trios, Amiz at si Thorn. Lumapit siya sa kaniyang ama at sa matanda.
“Oh, Evan, narito ka pala? Akala ko ay kasama ka nila Thorn na mag-ikot sa mga kabahayan, ang sabi ay maglalakad-lakad para bumaba ang kinain,” sabi ni Ignatius.
“Tinulungan ko po na magligpit si Gallan ng mga pinagkainan, papa, kanina pa po ba umalis sina Thorn?” tanong niya.
Umiling si Ignatius, “Hindi naman, mga ilang minuto lang. Kanina ay magkakausap pa kaming lahat dito.”
Tu
