Chapter 24
“Bukas ay mapapanood po ninyo, mahal na hari ang pag-aani sa mga palay, sakto lamang ang pagdating ninyo ngayong araw.”
Narinig ni Evan ang sabi ni Tatang Ber habang kasama nito na naglalakad papunta sa dulo ang kaniyang ama. Kasama nito si Alastor, Amiz pati na si Trios.
Dapit-hapon na at mas nakikita ni Evan ang ganda ng Wereniya dahil sa papalubog na araw. Ngayon lamang niya nasaksihan ang ganoon kagandang tanawin. Kahit noong sa dating buhay ay madalang niyang masaksihan ang paglubog at pagsikat ng araw dahil sa kaniyang trabaho.
“Mahal na prinsipe, gaano po kalaki ang inyong kaharian? Marami po ba na palaruan doon?”
Napatingin siya kay Min ang batang anak ng isang magsasaka. Nasa harapan niya ito. Nakabilog sila ngayon, kasama niya si Thorn at ang ilang mga bata. May
