Chapter 34
Tinatahak ng karwahe na sakay ni Evan ang daan papunta sa Trayus. Bago sila makarating sa kanilang paaralan ay daraan muna sila sa bayan ng Obi. Ang bayan ng Obi ay isa sa mga nayon na nasasakupan ng Doumentry Kingdom. Kasama niya si Kasimiro, nauna na kasi sa pagpunta ng Trayus si Philiph at si Leopold.
Dati ay magkakasabay silang pumapasok pero nang maiba ang oras ng klase ng dalawa ay si Kasimiro na palagi ang kasabay niya pagkatapos ay saka sila sabay-sabay na uuwi.
“Evan, gusto mo ba na sumama sa akin bukas ng gabi sa pagpunta sa lawa malapit sa gubat? Narinig ko sa mga kawal ang ganda ng lugar na iyon sa gabi. Gusto kong makita!” sabi ni Kasimiro sa kaniya.
Pinapayagan na silang lumabas ng kaharian hindi katulad noon. Siguro ay dahil sa nakita ng kanilang ama na mas re
