Chapter 32
Katulad ng sinabi ng kaniyang ama ay maaga nga nilang nilisan ang Wereniya. Nagkaroon naman siya ng oras na magpasalamat sa mga magsasaka bago sila nakaalis. Pinuntahan pa niya si Min sa bahay nito at nangako na muling dadalaw ulit.
Nagpabaon ng mga gulay at bagong ani na bigas ang mga magsasaka. Hindi naman nakalimutan ng kaniyang ama ang pangako nito na makinarya upang mas mapadali ang trabaho ng mga nasa Wereniya.
Sinabi nito na kaagad ipapadala ang lahat ng pangangailangan ng mga magsasaka.
“Evan!”
Kabababa pa lang nila ng karwahe ay narinig na niya ang sigaw ni Kasimiro. Napangiti siya nang makitang kasama nito si Leopold at si Philiph. Mukhang hinihintay ng mga ito ang kanilang pagdating.
“Kasimi—
Hindi na niya naituloy ang kaniyang sasabihin nang yakapin siya ni Ka
