Chapter 31
“Ang ibig kong sabihin ay kaming mga wizard, may tinatawag kaming blue aura, ang blue aura ay aura ng mga nilalang na gumagamit ng mahika, kahit anong klase ng mahika. Hindi lahat ng tao dito sa Chromus World ay may kakayahan na gumamit ng mahika, Evan, kahit pa mag-aral ka, pero kung biniyayaan ka ng blue aura ay maaari kang mag-aral tungkol sa mga mahika at kung paano ito gamitin,” sabi ni Alastor.
“At kung ipinanganak ka na walang blue aura, kahit pa mag-aral ka ng mga mahika at kahit gaano katagal ay hindi mo matututunan iyon at hindi ka makakagamit ng kahit anong magic spell.”
Ngayon niya lamang iyon nalaman.
“Pero kami?” tanong niya. Tinapik ng kaniyang ama ang balikat niya.
“Kayo naman ay mga anak ko, Evan, saka may dugong maharlika kayo. Natural lang na mayroon kay
