Chapter 21
Ngumiti naman si Thorn at tumango. Nang mamayani ang katahimikan ay itinuon na lang niya ang kaniyang paningin sa labas ng bintana ng karwahe. Malinis ang paligid, maraming mga ligaw na bulaklak at sinasabayan pa sila ng mga ibon. Ibinukas niya ang bintana upang mailabas niya ang kaniyang kamay para damhin ang lamig ng hangin sa labas.
Napaawang ang mga labi niya nang makita ang dami ng mga ibon na sumasabay sa pagtakbo ng karwahe. Inilabas niya ang kaniyang kamay at nagulat siya nang may isang ibon ang tumigil sa kaniyang palad.
“Evan.”
Napatingin siya kay Alastor nang magsalita ito. Ipinasok na niyang muli ang kaniyang kamay isinarado ang bintana.
“Guro?”
“Nabalitaan ko na pinuntahan mo si Osvar sa selda?”
Hindi naman seryoso ang ekspresyon sa mukha ng kaniyang guro, a
