CHAPTER 37
Nash's POV
Hindi ko alam kung saan nakuha ng batang ito ang ideyang iyon, maaring narinig niya kami ni Bash na pinag-uusapan ang tungkol sa bagay na iyon kanina nu'ng inakala ko na wala pa rin siyang malay. Maaring bago ko palang siya gisingin ay nagkamalay na siya, hindi lang siya bumangon at nagpahalatang gising dahil gusto niyang marinig ang mga sasabihin ko.
Nakaramdam ako ng hiya para sa sarili ko ngayong naiisip ko ang mga pinagsasabi ko kanina. Maaring hindi iyon lubos na nauunawaan ni Desh, hindi pa abot ng isip niya ang mga ganoong bagay, pero hinayaan ko na marinig niya iyon.
Pero huli na para magsisi ako dahil nasabi ko na ang mga iyon, ang tanging magagawa ko na lang sa ngayon ay ipaliwanag sa kanya ang mga sinabi ko kanina. Kahit naaawa ako sa kanya ngayon dahil
