CHAPTER 29
Nash's POV
Kahit hindi ako pinayagan ni Bash na harapin muli si Rash ay hindi pa rin puwedeng wala akong gawin. Hindi puwedeng hintayin ko na lang ang pagdating niya tapos mukha na naman akong kawawa na maghihintay na iligtas akong muli ng mga kaibigan ko.
Kagaya ng ipinayo sa akin ng kaibigan ko, kailangan kong magpalakas. Nagpaturo ako sa kanya ng ilang bagay na alam niya sa pakikipaglaban. Medyo nahirapang magturo si Bash dahil hindi raw siya marunong sa ganitong bagay, dahil nang mapunta raw siya rito ay basta alam na niya kung paano manuntok at kung paano makipaglaban.
Habang nag-eensayo kaming dalawa ay patuloy pa rin ang paghahanap ng mga kasama namin para sa blessing. Kasama nila paminsan-minsan si Desh. Pero may pagkakataon din naman na sa aming dalawa siya naglalag
