CHAPTER 20
Nash's POV
Kasama ko si Bash na naglakad at naglibot sa level 2. Habang paakyat ako nang paakyat ay napapansin ko na kumokonti ang tao. Siguro dahil hindi talaga madali ang umakyat sa malinis na paraan, maliban na lang kung gagamit ng level booster. Ngayon ko naiintindihan kung bakit ayaw na ayaw akong pagamitin ni Ash nito, hindi nga naman tama kung malalaman ng mga matitino na madali kong naabot ang level na ito nang walang kahirap-hirap.
Habang naglilibot kami ay umaasa ako na makikita ko si Mosh dito. Isang magandang pagkakataon din kasi ito para makausap siya. Kaso mula nang mangyari ang pagkatalo nila sa amin, hindi ko na ulit sila nakita.
Hindi ko pa rin kilala ang mga kasamahan ni Hash, lalo kaming nahihirapang kumilos ngayon dahil tiyak na kilala na nila kami habang
