Pagkalabas nila ng boardroom, ramdam pa rin ni Sophia ang bigat sa dibdib niya. Parang nakabaon pa rin sa tenga niya ang mga salita ni Selena. Ang tingin ng mga empleyado sa kanila habang naglalakad sila sa hallway. Mahigpit ang kapit niya sa kamay ni Laddicus. Hindi niya alam kung maiiyak siya o magagalit, pero isang bagay ang sigurado—hindi niya akalain na aabot sa ganito.
Pagpasok nila sa private office ni Laddicus, kaagad nitong isinara ang pinto. Tahimik muna silang dalawa, parang naghahanap ng tamang timing kung sino ang unang magsasalita.
Si Sophia ang nauna.
“Bakit mo ginawa ‘yon?” mahina pero mabigat ang boses niya.
“Bakit mo ipinakita sa lahat… na asawa mo ako? Wala ka man lang sinabi. Hindi ka man lang nagpaalam.”
Humugot ng malalim na hininga si Laddicus, nakatayo lang s
