Hindi mapakali si Sophia sa pantry. Pigil ang bawat hinga niya habang hinahalo ang kape. Sa labas ng pinto, rinig niya ang mahinang tunog ng high heels na papalapit. Bago pa man siya makalingon ay bumukas na ang pinto at pumasok si Selena—mataas ang kilay, naka-blazer na kulay cream, at may ngiting parang alam na lahat ng sekreto ng mundo.
“Ang aga mo, Sophia,” kalmanteng bati ni Selena, na parang nag-uumpisa ng isang laro.
Pilit na ngumiti si Sophia.
“Sanay na akong maaga,” sagot niya nang kalmado, pero sa loob-loob niya, sumisigaw na ang selos at inis. Lahat ng emosyon na pinipigilan niya sa opisina ay gustong sumabog ngayon.
Ngumiti si Selena nang may paghamak, sinulyapan siya mula ulo hanggang paa.
“Talaga? O baka naman gusto mong mauna sa lahat, pati sa mga tao?” Tumingin ito n
