“APAT lang ang sulok ng panyolitong iyan, Pare. Bakit tila hindi mo mabilang-bilang?” Si Jake.
Sa halip na patulan ang sinabi nito ay tahimik lang na pinagmasdan ni Carlo ang panyolitong hawak. Pag-aari iyon ni Anastacia; napulot niya kanina malapit sa gate ng bakuran nito. Maaga siyang naligo para sana makisabay sa dalaga pero hindi na niya ito inabutan at tanging ang panyong iyon na lang ang nakita niya. Nasa damuhan iyon kaya marahil ay hindi nito sinasadyang nailaglag.
“Ano ba meron sa panyong ‘yan?” tanong naman ni Reid sabay hablot ng kapirasong telang hawak niya. Mabuti na lang at madali niyang naiiwas iyon kaya hindi nito naabot.
Ano nga ba meron sa panyong iyon? It was just a simple piece of cloth. Kapirasong telang pag-aari ni Tasha, pero bakit hindi niya maalis-alis ang tingi
