Alex
Araw ng linggo at ang ganda nang gising niya. Nanalo si Kiko sa contest na sinalihan nito kahapon kahit pa nga 2nd place lang. Nakita niya na tuwang-tuwa ito at ganoon din naman siya. May konting salo-salo sa orphanage na hinanda ng mga madre para kaya Kiko. Proud na proud ang mga ito sa bata dahil sa pinakita nitong talento.
Pagbaba niya ng hagdan ay napangiti siya nang makita ang lola niya na nag-aerobics sa garahe nila. Nage-exercise rin naman siya pero minsan lang dahil sa lahat ng bagay na pwedeng gawin ay 'yon ang pinakatatamaran niya sa lahat. Mas gusto pa niya ang matulog maghapon, magluto, kumain or magbasa.
"Gising ka na pala, Alexei. Kumain ka na, huwag mo na hintayin ang Ate mo at maagang umalis," banggit nito nang makita siya sa may b****a ng pinto.
"La, hinay-hinay
