Alex
Hindi pa rin siya makapaniwala sa mga nangyayari ngayon. Kanina ay buong akala niya panaginip lang ang lahat pero ngayon sigurado na siya na totoo ang lahat. Ang akala niya ibang lalaki ang kasama niya kagabi pero si Brandon pala talaga. Ramdam na ramdam niya ang mahigpit na yakap ni Brandon. Mas binaon pa niya ang mukha sa leeg nito at siniksik ang katawan dito.
"I can't believe this is all real," bulong niya at minulat ang mga mata.
Naghiwalay sila mula sa pagkakayakap pero magkalapit pa rin ang mga katawan nila. Napangiti siya nang haplusin nito ang mukha niya na hindi inaalis ang tingin nila sa isa't isa. Nakahinga na siya ng magaan ngayon dahil nalaman na niya ang buong katotohanan at malaya na silang dalawa. Mula ngayon ay hindi na niya bibitawan ang kamay ng binata. Mula n
