Chapter 11
"Meow!"
"Uy, Dee!" bulalas ni Zawi nang sumulpot ang kanyang alaga sa kanyang harapan. Kanina pa pala siya nakatulala habang nakatingin pa rin sa saradong pinto. Kaaalis lang ng binata. "Kakain ka na pala," usal niya. Binitbit niya ito at dinala sa kusina. Nilagyan niya ng catfood ang bowl nito at tubig naman sa isa saka pinanood itong kumain.
Dahil sa haba nang kanyang naitulog kanina ay hindi siya nakararamdam nang antok. Tinanggal niya ang kanyang suot na wig. Mabuti na lang at hindi iyon napansin ng binata kanina. Humarap siya sa salamin at tinitigan ang sariling repleksyon. Pinagmasdan niya ang iilang hibla ng kanyang buhok. Nahagip ng kanyang mata ang razor na ilang buwan nang nakatambak sa kanyang kuwarto. Dahan-dahan niya iyong iniangat sa ere at pinagmasdan nang ilan
