“TATAGAN mo ang loob mo, Honey,” sabi ni Dulce matapos siya nitong yakapin. Halos magkasabay ito na naupo sa pagitan niya at ang kapatid na si Doray.
“Alam namin, mahirap gawin kesa sabihin. Basta tandaan mo, nandito kami para sa iyo. Magkakaibigan tayo. Nakaalalay kami sa iyo,” sinsero namang sabi ni Doray.
Tumingin lang siya sa magkapatid. At pagkatapos ay tumuon ang tingin niya sa kabaong na nasa harap niya. Unti-unti pa lang inaayos ng crew ng funeraria ang burol ni Travis. Tila may director pa iyon kung paanong puwesto ang gagawin sa ilaw, bulaklak at maging sa enlarged picture ni Travis na nasa stand.
Pero alinman sa mga iyon ay balewala sa kanya. Pakiramdam niya ay lumulutang siya. Kanina ay sumilip siya sa kabaong. Maayos na si Travis doon. Parang natutulog lang. Payapang-pay
