NILAGPASAN nila ang mismong Lake Danum. Ayon kay Bettina, sa bandang itaas pa ang view point para sa sunset. Bahagya pa lang niyang naitatabi ang sasakyan ay tila nagmamadali nang bumaba si Bettina. Nang sundan niya ito, nakita niyang binabali nito ang maliliit na sanga nang halaman sa dinadaanan nito.
“Baka mahulog ka diyan,” paalala niya dito.
“Doon ang favorite spot ko,” turo nito sa isang lugar.
Sumunod siya uli dito. Napailing siya nang makitang matarik ang dinadaanan nito. “Bettina.”
“Kabisado ko ito. Don’t worry.” Ilang maliliit na sanga na nakaharang dito ang binali nito bago bahagyang hinawan ang bahaging uupuan. “Ito, ito ang perfet spot para sa sunset watching. Puwesto ka na,” iminuwestra nito sa kanya ang tabi nito.
“Magkaiba na ang araw dito saka doon?” Nilinga niya
