NANGHIHINA na si Rufus. Unti-unti nang kinakain ng kaniyang karamdaman ang kalusugan niya. Ganoon pa man ay hindi siya nalulungkot. Sapat na ang karagdagang mga araw na ipinagkaloob sa kaniya ni bathaluman bilang gantimpala sa mabuti niyang pamumuno. Nahihirapan man, masaya ang kaniyang puso sapagkat nagkaroon pa rin siya ng pagkakataong makita ang unti-unting pag-unlad ng potensiyal ng kaniyang anak bilang reyna ng Safferia. Masaya rin siyang mabuti at tunay na nag-iibigan sina Esmeralda at Satur dahil natitiyak niyang hindi ito matutulad sa kaniyang sinapit.
Hindi niya na mapipigilan ang nagbabadya niyang pagyao. Wala mang kasiguraduhan kung kailan ito. Umaasa na lamang siya na ang kaniyang natatanging kahilingan ay tunay na ipagkaloob sa kaniya.
Nabaling ang tingin ni Rufus sa durung
