KAKAIBA ANG ENERHIYANG nakapaligid sa korona. Tila isang napakalakas na kapangyarihan ang nagbibigay proteksyon sa kaniya. Napaliligiran ang buong bulwagan ng mga kaluluwang hindi nila nakikita. Mga mabubuting kaluluwa na siyang mga sugo ng kanilang bathalumang si Saffira. Ang kakaiba sa paligid na batid nilang gawa ng salamangkero ay luminlang sa kanila.
“Hindi mo gawa ang lahat ng ito, ama. Hindi ito saklaw ng iyong kapangyarihan,” nangingiting tinuran ni Amora. Ang babaylan na anak ni Vidal sa isang dayuhan. Sa lupain kung saan piniling manirahan ni Vidal na malayo sa kaniyang mga kaibigan.
“Batid ko namang sasabihin mo `yan,” tugon ni Vidal. Ang kaniyang mga ngiti at pagkumpirma sa puna ng kaniyang mahal na anak.
“Kung hindi ikaw, sino ang may gawa? Paano iyong mga ibong naglilipara
