KATAHIMIKAN at pagkakaisa ang nangibabaw sa maraming araw na lumipas. Ang mga Safferian ay pinag-ibayo ang kanilang pagtatrabaho para sa ikauunlad ng buong lupain. Maging ang mga naninirahan sa palasyo kasama ang reyna ay nakikihalubilo at nakikipagtulungan sa kanila. Kung masaya sila sa naging pamumuno ni Rufus, higit silang masaya kay Esmeralda sapagkat nagturingan silang magkakapantay sa paraang hindi pa rin nalilimutan ang pagrespeto sa mga nakatatanda at mga pinuno.
Naging masigla ang buong Safferia. Ang bagong yugto na iyon ay bahagi ng kasaysayang hindi nila malilimot.
Samantala, kung nakabuo ng pagkakaibigan si Rufus sa ilang kalapit na kaharian sa ilalim ng kaniyang pag upo bilang hari, sa panahon naman ni Esmeralda ay panibagong pakikipagkaibigan sa kaharian ng Danaw. Unti-unti
