NATAKOT ang mga bandido kay Vienan. Dalawa sa kanila ay nagyelo at nanigas na mistulang mga rebulto. Nang magpakita ng takot at umatras ang mga dayuhan ay tumakbo si Vienan palayo habang unti-unting naglalaho sa kanilang paningin.
Pinigilan ng pinuno ang mga nagtangkang humabol at hinawakan ang nanigas na mga kasamahan. Gumuhit ang mga ngiti sa labi nito. Bumaling siya sa kaniyang katabi.
“Tulungan ninyo sila,” utos nito.
Gamit ang kanilang mga patalim ay sinusubukan nilang basagin ang yelong nakabalot sa dalawa. Nang dahil sa tigas ay napilitan ang isa na itarak sa bandang balikat ng isa ang talim ng armas na hawak, subalit nang bumaon ito roon ay gumuhit ang mga lamat. Ang inakala nilang makalalaya ang dalawa sa yelo ay malaking pagkakamali. Nagkadurug-durog ang mga ito at tuluyan na
