HINDI mapaniwalaan ni Kila na kasal na siya. Kahit na nakasuot na sa kanya ang isang magandang wedding ring ay hindi pa rin niya mapaniwalaan na nangyari ang lahat ng mga iyon. Ang bilis nagbago ng buhay niya.
Ngayon ay nasa opisina sila ni Judge Mariano kasama ang mga magulang ni Xander. Kinakabahan pa rin siya nang husto. Hindi pa rin humuhupa ang tensiyon sa pagitan nila.
Huminga nang malalim ang ama ni Xander, si Vicente Castañeda. “Hindi namin alam ng mom mo kung ano ang nagawa naming mali upang magkaganito ka. Hindi ko alam kung sapat na dahilan ang pag-ibig at mga nagawa ng mom mo para magrebelde ka nang ganyan,” anito sa anak. Mahinahon ito ngunit alam niyang nasa borderline na ito ng kahinahunan. Tila sasambulat ang galit nito sa kaunting tulak. “Hindi ka na marunong makinig, Xa
