Chapter 66
Aira
Pag-alis nila Rick at Honey, saka lang tuluyang bumigay ang katawan ko.
Parang biglang nawala ang lakas sa mga tuhod ko. Napaupo ako sa gilid ng sofa, hawak ang dibdib ko habang pilit humihinga nang maayos. Ramdam ko ang panginginig ng mga kamay ko, hindi ko alam kung dahil sa galit, takot, o sa sakit na matagal ko nang tinatago sa loob ng katawan ko.
“Aira,” marahang tawag ni James, agad lumapit sa akin.
Pero bago pa siya makarating sa harap ko, isang munting hikbi ang pumunit sa katahimikan ng sala.
“Mommy?”
Pagtingin ko, nakita ko si Derick. Namumula na ang mga mata niya, nangingilid ang luha, pilit niyang pinipigilan ang pag-iyak. Nakakunot ang noo niya, parang takot na takot.
“galit po ba kayo sa akin? ?” mahina niyang tanong.
Parang may kutsilyong tumusok sa
