Chapter 77
Ayesha's POV
Matiyaga akong naghintay sa maaaring isagot ni Javadd kay Riva kahit pa sana totoo lang ay sukdulan na ang paghiling na ginagawa ko na sana ay hindi niya pagbigyan si Riva. Alam ko na bilang isang babae ay sobra ang sakit na magiging dulot kung tanggihan ka ng isang lalaki lalo pa at ang tanging baon mo lang ay lakas ng loob. At hindi ko alam kung saan na nakuha ni Riva ang lakas ng loob na iyon upang mayaya niya si Javadd na sumayaw. Dahil kung ako ang tatanungin ay wala akong lakas ng loob lalo na at sa harapan mismo ng mahal na hari at mahal na reyna.
"Mahal na prinsipe, tinatanong ka ni Binibining Riva," sambit ng mahal na reyna dahil ilang sandali na mula nang tanungin ni Riva si Javadd ay hindi pa rin ito nakakapagbigay ng sagot. Maging ang mga magulang niy
