Chapter 76
Ayesha's POV
Wala naman akong naririnig mula sa mga magulang niya dahil ang tanging ginagawa lang naman nila ay ang titigan ako. Kung titigan nila ako ay parang ngayon lamang kami nagkita. Huwag nilang sasabihin na dahil sa ayos ko ngayon ay hindi nila ako nakilala? Hindi naman ganoon kakapal na kolorete sa mukha ang nilagay ko kaya sigurado ako na hindi naman nagbago ang hitsura ko. Pakiramdam ko tuloy ay sobrang pangit ko kapag wala akong ayos.
Nawala naman kahit papaano ang kaba at pagkailang na nararamdaman ko nang makita ko na sabay nila akong nginitian. Wala naman akong nakikita na ano mang pagpapanggap sa mga ngiti na iyon. Sinuklian ko naman agad iyon ng isa ring tunay na ngiti. Hindi ko akalain na magagawa ko na makipag-ngitian sa ibang matataas na Algenian maliban k
