Chapter 98
Ayesha's POV
Dahil na rin sa dalawa kaming naglilinis ni Sandy at parehas naman kaming mabilis kumilos ay hindi namin namalayan na tapos na pala kami sa aming mga ginagawa. At hindi nga ako nagkamali dahil ngayon na malinis na ang bahay ay sobrang laki ng ginanda nito. Hindi na talaga ako lugi sa binayad ko kay Ginang Roda kahit pa hindi iyon malaki para sa akin.
Sobrang laki ng pasasalamat ko kay Sandy dahil kung hindi niya ako tinulungan ay sigurado ako na hindi pa ako mangangalahati sa ginagawa kong paglilinis. Ngunit alam ko naman na hindi sapat ang pasasalamat ko para kahit papaano naman ay makabawi ako at makatanaw ng utang na loob. Sa tingin ko ay kailangan ko na bigyan siya ng kahit na ano bilang tanda ng pasasalamat.
Ngunit wala sa hitsura ni Sandy ang tumatanggap n
