Chapter 79
Ayesha's POV
Nagisin ako nang tila ay may masakit akong nararamdaman sa isang bahagi ng aking katawan. Noong una ay hirap pa akong matukoy kung saan ngunit napahawak ako sa aking gitna nang maalala ko ang mga nangyari kagabi. Nawalang bigla ang antok ko ngunit hindi ko naman magawa na magmulat ng mata dahil natatakot ako sa maaaring bumungad sa akin.
Pakiramdam ko rin kasi ay wala kong mukhang maihaharap kay Javadd matapos ang mga nangyari kagabi. Hindi ko alam kung ano ang una kong sasabihin sa kanya. Hindi ko alam kung dapat ko pa ba na banggitin ang mga nangyari gayong pauwi naman na rin ako ngayong araw. Alam ko rin na malaki ang posibilidad na hindi na kami magkita pang muli ni Javadd.
Ngunit alam ko naman na kinakailangan ko pa rin siyang makaharap ngayon dahil siya la
