Chapter 102
Ayesha's POV
Naging mabilis ang paglipas ng araw at hindi ko na namalayan na sobrang laki na ng tiyan ko. Pakiramdam ko ay maaari na akong manganak ano mang oras. Mabuti na lamang at marunong din magpaanak si Ginang Melbren kaya hindi ko na poproblemahin pa kung sino ang magpapaanak sa akin.
Hindi rin naman ako natatakot na harapin ang buhay nang ang anak ko lang ang kasama dahil maraming umaalalay sa amin. At hindi ko akalain na sa mga bagong kakilala ko ako makakahanap ng ganitong klase ng suporta. Natutuwa ako na maraming nagmamaha sa amin ng aking anak at ngayon ay nasasabik na rin sila na makita ang sanggol sa aking sinapupunan.
Naging payapa naman ang paninirahan ko rito. Ngunit syempre ay hindi naman maiiwasan na hindi ko maisip ang pamilya ko sa aming kaharian. Mas
