Chapter 72
Ayesha's POV
Tulad nga ng sinabi ni Javadd ay minabuti ko na magpahinga na muna para na rin may lakas akong magagamit bukas sa pagdiriwang ng kanyang kaarawan. Nababatid ko kasi na kakailanganin ko ng lakas dahil ang pakikiharap pa lang sa maraming Algenian ay nakakapagod na para sa aking isip.
Kailangan ko ring magpahinga na nang sa gayon ay hindi naman ako magmukhang pagod. Dahil nang sinabi ni Javadd na mukha akong pagod, pakiramdam ko ay ang pangit-pangit ko. Alam ko rin na marami siyang bisitang babae kaya hindi talaga dapat ako magmukhang tagasilbi na hindi marunong mag-ayos.
Gusto ko na maging presentable sa paningin ng iba, lalong-lalo na sa paningin ni Javadd. Nang sa gayon, kapag naisipan ni Javadd na ipakilala ako-kahit na bilang isang kaibigan ay may mukha akong
