Chapter 71
Ayesha's POV
Mukha namang labis na pinagsisihan ng tindero ang ginawa niyang pangmamaliit sa akin. Hindi ko kasi alam kung bakit naka-base sa ganda ng kasuotan ang karangyaan at kakayahan ng isang Lavitran. Hindi ko naman sasabihin na kukunin ko na ang lalagyan ng espadang iyon kung alam ko na wala akong pambayad. Kaya hindi ko alam kung bakit mas pinili pa niya na pagbilhan 'yung may mas magandang kasuotan.
Napabuntong hininga na lamang ako. Kahit na gaano ko pa kagusto ang disenyo ng tinda niyang iyon ay wala na akong planong bilhin iyon dahil sa ugali na mayroon siya. Hindi dapat binbigyan ng benta ang ganoong klase ng tindero. Dapat ay magtanda siya na huwag manghamak at maliitin ang mga mamimili. Kahit naman siguro mga tagasilbi ay may kakayahan na bumili ng mamahaling g
