Chapter 81
Ayesha's POV
Tulad ng pinangako ko sa aking sarili at maging sa aking mga magulang ay naging mas tutok ako sa mga pagsasanay ko sa pakikipaglaban. Maging si Digno ay napansin ang pagiging seryoso ko dahil nagtutungo na ako sa aming pagsasanay nang tama sa oras. At kung minsan pa nga ay nauuna ako sa kanya at siya na ang hinihintay ko.
Hindi siya sanay sa ganoong bagay at ang lagi niyang tanong sa akin ay kung may pinagdaraanan ba ako. Wala naman akong maisagot sa kanya kundi tawa dahil malabo rin sa akin kung may pinagdaraanan nga ba ako. Ang tanging nais ko lang na mangyari ay mabaling sa iba ang atensyon ko dahil aaminin ko na paminsan-minsan ay talagang umaalingawngaw pa rin sa aking pandinig ang mga sinabi ni Javadd noon kay Sunil.
"Pahinga muna tayo," sambit ni Digno ma
