Chapter 96
Ayesha's POV
Tulad ng inaasahan ko, matapos kong makumbinsi ang mahal na reyna ay naging magaan na ang plano ko na pag-alis. Hindi ko kasi talaga sila kayang iwan kung alam ko na daramdamin nila nang sobra ang pag-alis ko. Ngayon ay alam na nila na babalik ako.
Hindi na nila kailangan pang isipin kung babalik pa ba ako sa kanila o hindi na dahil ngayon ay may pinanghahawakan na silang salita mula sa akin. Ang tangi na lamang nilang iisipin ay kung kailan ako babalik. Ngunit nagbitiw rin naman ako ng pangako na hindi rin ako magtatagal sa aking pagkawala dahil babalik ako agad.
Ang pag-uusap naming iyon sa silid ng amang hari ang naging huli naming pagkikita dahil kinabukasan ay umalis na ako at napagdesisyunan ko na hindi na magpaalam sa kanila dahil baka muli na namang mahi
