NAHIHIYA siya sa sarili. Nang dahil sa kanya ay muntik nang mapahamak si Nana Aning. Dalawang araw itong hindi masyadong nakakain at hindi rin nagsasasalita. Kahit wala itong sinasabi, alam niyang dinamdam nito nang husto ang epekto ng ginawa nitong pagtulong sa kanya. Humingi na siya ng paumanhin dito pero kahit patawarin pa siya nito ng ilang beses ay hindi na niya magawang basta na lamang kalimutan ang nangyari. Dahil sa kagagahan niya ay nagawa nitong ipahamak ang sarili. Anong klaseng tao siya?
Muli siya napabuntong-hininga. Hindi siya dapat nagkakaganito. Ano naman sa kanya kung magkaroon man ng bisitang babae si Steven? Hindi ba at tama lang iyon para matupad na ang pinakaaasam ni Nana Aning na makita na nito ang babaeng para rito at muli nitong magawa ang magtiwala sa mga kabaro
