Makalipas ang ilang araw na pagche-check at pagte-testing ng mga engine para sa event na gaganapin bukas ay tuluyan na akong makakapagpahinga ngayong araw.
Hindi ako papasok sa opisina, pahinga lang talaga ako ngayong araw.
Tanghali na nang magising ako at hindi pa ako makabangon dahil sa tinatamad pa akong kumilos. Pagka-check ko sa ‘king cellphone ay ibinalik ko rin agad sa side table. Kaka-open ko pa lang ng wifi button sa screen ng phone ko, sunod-sunod na ang pagtunog ng mga notification.
Ayoko munang i-check ang mga email at messages ko. Mapapa-trabaho na naman kasi ako nito kapag binasa ko ang mga ‘yon. Para pa naman ‘yon next month, e. Hindi ko muna iisipin dahil may iba pa akong gagawin ngayon at ‘yon ay makapag-ensayo na kasama si Thyme. Kaya naman pinalabas ko na siya mula
