“Where am I?” Nagpalinga-linga ako.
Hindi ko maintindihan kung nasaan ako ngayon. Tila ba napadpad ako sa isang malawak na lugar na puro puti lang ang nakikita ko sa paligid. Wala pang kahit na anong bagay at hindi rin ako gaanong makagalaw sa kinatatayuan ko.
“Excuse me? Hello? Is there anybody here?”
Mag-isa lang din yata ako rito.
“Am I dreaming?” sabi ko pa sa ‘king sarili, sabay kapa sa ‘king mga braso at pisngi.
Hanggang sa may lumitaw na lang na tao sa likod ko, naramdaman ko ‘yon kaya napalingon agad ako. Napakunot na lang ang noo ko nang bata ang bumungad sa akin.
Kumaway pa siya. “Hello!” aniya.
Naguguluhan man ay nag-hello na lang din ako. “Hello?”
“Ako si Thyme!” sabay hawak na sa kamay ko. Hindi niya man lang nilahad ang kamay niya sa akin upang tanggapin ko, kin
