Pagsapit nang hapon ay isinagawa na ang operasyon.
Kami ni Jaxton ay nasa napag-usapang lugar na. Bakanteng lote iyon na may naka-abandona pang gusali na kung saan malapit lang din sa lugar na naligaw si Rylee. Pagkatingin ko sa oras ng aking relo, 5 p.m na.
Nasa second floor kami no’n at may mga upuan doon para sa ‘min saka ilang mga nakabantay na tauhan ko. Nagkalat sila sa paligid namin at nakaalerto din kung sakaling may mangyari. Pinasama ko na sila dahil ‘yon din ang gusto ni Ama. Habang ang iba na mga tauhan naman ni Jaxton ay umalis na para sa misyon nila na sundan at hulihin na ang lalaki.
“Nasa palengke na siya, boss,” panimula ng isa na narinig ko agad kaya bahagya akong napahawak sa suot ko mula sa aking tainga.
“Mag-isa lang siya,” sabi pa ng isa.
“Dadakpin na lang
