Makalipas ang isang linggo..
Bumungad sa akin ang mommy ng asawa ko.
"M-mommy.." pagtawag ko sa ina ng asawa ko.
Nakaramdam ako ng tuwa ng niluwangan nito ang pinto. Tanda na pinapapasok ako nito sa loob.
Hindi ko naman alam ang sasabihin ko, kaya nanatili akong walang imik habang nakasunod dito.
Uminit ang gilid ng mga mata ko ng masilayan ang asawa kong karga-karga nito ang anak namin. Nakayuko ito ng mga oras na iyon kaya hindi pa ako nito napapansin.
"May bisita ka," wika ni mommy sa asawa ko.
Doon ko naman napansin ang asawa kong tumingin sa direksyon ko. Hindi ko man lang ito nakitaan ng pagkagulat.
Ngunit parang gusto kong mapaiyak ng mamasdan ang mga mata nitong malamig at parang estranghero ako sa paningin nito. Ni hindi ko na makita pa ang pagmamahal sa mga mata nito.
W
