Napapikit si Selena nang makadama ng kaginhawaan nang sa wakas ay magkaroon ng laman ang bibig.
Sumandal siya sa lababo habang parang isang taong hindi nakakakain. Samantalang saging pa lamang ang nahablot niya sa lamesa.
Nanginginig na kasi ang buong katawan niya dahil sa gutom. Kaya nang matanaw ang saging ay iyon na ang pinuntirya niya.
Nang maubos ng dalaga ay ipinatong niya ang balat no'n sa ibabaw. At nang tumalikod siya para magtungo sa refrigerator ay hindi namalayan ni Selena na nahulog iyon sa sahig.
Habang nagkukutkut siya sa harap ng ref ay mabilis siyang huminto.
"Patay," usal niya nang marinig ang ilang yabag mula sa kadiliman.
Sigurado siyang may papunta sa kusina.
Agad na kinagat ni Selena ang isang slice ng tinapay. At nagtago sa ilalim ng lamesa habang parang pusan
