"Magco-commute na lang ako," pauna na agad ni Selena nang maihatid, at makalabas sila ng school ni East.
Nauunang maglakad ang binata niyang amo palapit ng sasakyan. Hindi naman siyang kinikibo nito kanina pa, wala rin kwenta kung magpapaghatid pa siya.
Seryoso ang imahe ni North nang harapin siya. Dahil sa sikat ng araw, at bwisit ay lukot na mukha ang nagisnan nito.
"Sumabay ka na."
"Okay lang, maghihintay na lang ako ng jeep o kaya bus-"
"Bus o si Greg?"
Doon niya lang ito tiningnan sa mga mata. Matiim siyang pinagmamasdan ng amo, at mas parang nilamukos na papel ang hitsura ni North.
"Ano naman ho sa inyo?" palaban niyang tanong pero may pag-galang pa rin.
Bumilog ang butas ng ilong ng binata, at tinitigan nang matalim ang dalagang kaharap.
"Fine!"
Napaamang si Selena sa pag
