"Kanina ka pa riyan, ha?"
Sandaling ginamit ni Selena ang braso para punasan ang pawis sa noo. Kasalukuyan kasi siyang nagba-bake sa kusina.
"Opo. Tinatapos ko lang po 'tong cupcake."
"Siguradong magugustuhan 'yan ni Sir North," pahaging ni Manang Garing nang lapitan siya sa lamesa.
"Talaga po ba?"
Mas lalong lumawak ang ngiti sa labi ng dalaga. Sabik na siyang maibigay, at mapatikim sa binatang amo ang ginagawang dessert.
"Manang, ako na po ang bahalang maghanda ng hapunan ni Sir North," pag-ako ni Selena.
May kalaliman na kasi ang gabi. Napatulog na rin niya si East, kaya sana ngayong gabi ay mapaglingkuran naman niya si North.
Lumipas ang minuto nang matapos siya. Nakahanda na sa mesa ang hapunan, at paborito nitong sweet and sour shrimp.
Siya ang nagluto, nagpatulong lamang s
