Patakbong lumapit si Selena kay North.
Binaunan muna siya nito ng isang nakaiinis na tingin bago nagpatiunang maglakad.
Sumunod agad siya rito, hanggang sa matigilan na naman ang dalaga. Puwang ang labi niya nang mabungaran ang malawak na sala. High ceeling, huwag kang mamali ng galaw at baka makabasag ka ng bagay na humihiyaw sa kamahalaan.
"Sir North-" hindi na naituloy ni Kiray ang sasabihin nang masilayan ang dalagang kasama ng amo.
Hinagod ng batang kasambahay ng tingin si Selena mula ulo hanggang paa. Gumuhit ang naiilang na ngiti niya dahil sa ginawa nito.
"Where's East?" usisa ni North.
"Nasa kwarto po niya," sagot nito pero na kay Selena pa rin ang mga matang walang kakurap-kurap.
Nilinga ng binata ang kasamang dalaga, tila inaaya na maglakad.
"Teka lang, Sir!" awat ni Kir
