Mukhang hindi lang ako ang nakakapansin na may something sa pagitan nila Arch at Kino. Minsan ay nakikita ko ring napapasulyap si Harry sa kanila, animo’y lihim na nagmamatyag. Hindi na ako nakisali sa pagtitipon nila. Pinili kong maging abala sa kusina nang maihain na sa sala ang mga pagkain.
Masaya naman sila habang nag-iinuman. Si Bea ay tila propesyonal na sa alak samantalang si Sandra ay nakikipagbiruan kay Harry. Si Kino ay nakikitawa na lang. Tahimik talaga si Arch habang paminsan-minsang lumalagok at minsan ay nagtatama ang aming mga mata kapag napapasilip dito.
Pagkatapos magwalis, hinugasan ko ang panibagong hugasin na dinala ni Kino sa kusina. Naiwan ang apat sa sala na ngayo’y nagtatawanan. Hinintay kong bumalik si Kino roon ngunit nanatili lang siya sa gilid ko. Napalunok-lu
