“Mahal na Regulus, nilulusob tayo!”
“Tipunin ang lahat, siguraduhing walang masasaktan sa ating mga mamamayan!”
Ngunit bago pa man tuluyang makalabas ng silid ang kawal ay mabilis na itong bumagsak ng sahig kasabay ng pagpasok ng isang dalagang nagngangalang Libitina.
“Anong ibig sabihin nito?” tanong ni Magnus, ang pinunong pumoprotekta sa yaman ng angkan ng Sugatzu.
Kasunod ni Libitina ay ang pagpasok ni Herus. Isang makapangyarihang kawal ng buong angkan.
“Buong akala ko ay lubos ang pagtitiwala ninyo sa akin. Ibinigay ko ang aking buong katapatan sa Sugatzu maging sa aking tungkulin subalit bakit isang kagaya ni Tertium ang kinakailangang mangalaga sa isang makapangyarihang alahas na dapat ay ako ang magmana?” Punung-puno ng hinagpis at pagdaramdam ang puso ni Herus
