Acutus' POV
Kaagad akong tumakbo palapit kay Nitidus habang unti-unti itong bumabagsak. Mabilis ko siyang sinalo habang puno nang pag-aalala ang aking puso.
"Nitidus! Gumising ka!"
Pilit kong tinatapik ang kaniyang pisngi ngunit kahit na anong gawin ko ay hindi siya nagigising. Napatingin ako sa bagay na hawak niya. Ang inaakala ng lahat na ngipin ng dragon ay ang mismong sungay nito. Marahil ay eto ang bagay na kinakailangan naming makuha upang maipanday ang natatanging sandatang makakapuksa sa mga malum exspiravit.
"Nitidus!" Sinalat ko ang pulso sa tagiliran ng kaniyang leeg at mahinang-mahina na ang pagtibok nito. Unti-unting binalot ng kaba ang aking buong sistema lalo pa at nasa harap niya ako ngunit wala akong nagawa. "Gumising ka, Nitidus! Hindi ka pupwedeng mamatay."
Maingat
