Chapter 20.2
Tumango ako sa kanya.
“Bakit siya nawala?” tanong ko.
Curious ako. Hindi ko alam pero basta, gusto kong malaman ang mga bagay na tungkol sa kanya at sa kapatid niya.
“Habang nasa park kami no’n, kasama namin ang nagbabantay sa ‘min. Magkasama kaming naglalaro. Dahil ayaw sa kanya ng lahat ay ako lang ang kalaro niya. Hanggang may nakita siyang ice cream.” Isang marahan na pekeng tawa ang pinakawalan niya bago tumingin sa ‘kin. “Cellphone lang kasi nang cellphone ang nagbabantay sa ’min no’n kaya hindi niya namalayan na wala na ang kapatid ko.”
“Tumakbo siya papunta sa ice cream vendor, sinundan ko siya. Tandang-tanda ko pa na hawak ko ang paborito niyang bola na binigay ni Daddy sa kanya. Mahal na mahal siya ng pamilya pero ayon nga, pagtakbo niya at pagbili niya ng ice c
