Magmula noong araw na iyon ay hindi na bumalik pa ng bahay ng binata si Deyanira kahit pa may naiwan itong mga damit at gamit doon. Sa sobrang galit nito sa lalaki ay hindi na rin nito binalikan ang naiwan nitong motorsiklo sa bahay ng binata. Palibhasa ay kasalukuyan pa lang nagpapagaling, ipinakuha na lang nito iyon sa kaibigang si Patrick na noong makita naman ni Copper ay nagngitngit ulit sa galit ang binata. Sa ngayon, si Patrick ang pinakamalapit sa puso ng babae kaya kahit na mamatay matay siya sa selos ay wala siyang magagawa. Sa huling pag-uusap nila ng dalaga ay halos isumpa siya nito dahil ang lahat lahat ng nangyari dito noong araw na iyon ay sa kanya nito isinisisi. Lalong lalo na ang pagkawala ng kanilang anak. Sa hindi magandang nangyaring iyon ay parehas man silang nawal
